ഫുട്ബോൾ ഇതിഹാസം സുനിൽ ഛേത്രിക്ക് ഇന്ത്യൻ കുപ്പായത്തിൽ ഇന്ന് വിടവാങ്ങൽ മത്സരം. ലോകകപ്പ് യോഗ്യത റൗണ്ടിലെ നിർണായക മത്സരത്തോടെ ഇന്ത്യന് ക്യാപ്റ്റന് അന്താരാഷ്ട്ര ഫുട്ബോളില്നിന്ന് വിരമിക്കും. കൊല്ക്കത്ത സാള്ട്ട്ലേക്ക് സ്റ്റേഡിയത്തില് രാത്രി ഏഴു മണിക്ക് നടക്കുന്ന മത്സരത്തിൽ കുവൈത്താണ് എതിരാളികൾ. മെയ് 16നാണ് ആരാധകരെ പോലും ഞെട്ടിച്ചു കൊണ്ട് സുനില് ഛേത്രി ഫുട്ബോളില് നിന്ന് വിരമിക്കല് പ്രഖ്യാപിച്ചത്.
2005-ലാണ് 39-കാരനായ ഛേത്രി ഇന്ത്യന് സീനിയര് ടീമില് അംഗമായത്. 150 മത്സരങ്ങളില് നിന്ന് 94 ഗോളുകള് നേടി. ലോക ഫുട്ബോളിൽ നിലവില് ഏറ്റവും കൂടുതല് അന്താരാഷ്ട്ര ഗോളുകള് നേടിയതിൽ മൂന്നാം സ്ഥാനത്താണ് സുനിൽ ഛേത്രി. ഛേത്രിക്ക് മുന്നിൽ ലയണല് മെസിയും റൊണാള്ഡോയുമാണ്.