കാട്ടാക്കട>>> സെല്‍ഫിയെടുക്കുന്നതിനിടെ നെയ്യാര്‍ മീന്‍മുട്ടി വെള്ളച്ചാട്ടത്തില്‍ കാല്‍വഴുതിവീണ് സെക്രട്ടേറിയേറ്റ് ഉദ്യോഗസ്ഥന്‍ മരിച്ചു. പോത്തന്‍കോട് ശാന്തിഗിരി നേതാജിപുരം പഴിച്ചന്‍കോട് ഹൃദയ കുഞ്ജത്തില്‍ ഹരികുമാര്‍ കരുണാകരനാണ് മരിച്ചത്.

സുഹൃത്തുക്കളുമൊത്തു മീന്‍മുട്ടി സന്ദര്‍ശനത്തിനെത്തിയ ഹരികുമാര്‍ സെല്‍ഫി എടുക്കുന്നതിനിടെ കാല്‍ വഴുതി പത്തടിയിലധികം താഴ്ചയിലേക്ക് പതിക്കുകയായിരുന്നു. ഹരികുമാര്‍ താഴേക്ക് പതിച്ച ഉടനെ ഒപ്പം ഉണ്ടായിരുന്ന വനം വകുപ്പ് വാച്ചര്‍ ഓടിയെത്തി രക്ഷാപ്രവര്‍ത്തനം നടത്തിയെങ്കിലും ജീവന്‍ രക്ഷിക്കാനായില്ല.

ഡിഎഫ്ഒയുടെ സുഹൃത്തുക്കളായ അഞ്ചുപേര്‍ കോട്ടൂര്‍ വഴിയാണ് മീന്‍മുട്ടിയില്‍ എത്തിയത് . മൃതദേഹം മെഡിക്കല്‍ കോളജ് ആശുപത്രയിലേക്ക് മാറ്റി.