മൂവാറ്റുപുഴ>>>മൂവാറ്റുപുഴയില്‍ പുതുതായി നിര്‍മ്മിച്ച പോലിസ് സ്റ്റേഷന്‍ കെട്ടിടത്തിന്റെ ഉദ്ഘാടനം 25 ന് രാവിലെ 11 ന് മുഖ്യമന്ത്രി പിണറായി വിജയന്‍ ഓണ്‍ലൈനിലൂടെ നിര്‍വ്വഹിക്കും. പോലീസ് സ്റ്റേഷന്‍ കെട്ടിടം ജില്ലാ പോലീസ് മേധാവി കെ. കാര്‍ത്തിക്ക് സന്ദര്‍ശിച്ചു.

845 ചതുരശ്ര മീറ്ററില്‍ രണ്ടു നിലകളിലായാണ് കെട്ടിടം ഉയരുന്നത്. ആധുനിക സൗകര്യങ്ങള്‍ സ്റ്റേഷനിലുണ്ടാകും. പ്രത്യേക വിസിറ്റേഴ്‌സ് റൂം, ക്യാന്റീന്‍, ഉദ്യോഗസ്ഥര്‍ക്ക് വിശ്രമമുറികള്‍ എന്നിവ ഒരുക്കിയിട്ടുണ്ട്.

സ്ത്രീകള്‍, പുരുഷന്മാര്‍, ഭിന്നലിംഗക്കാര്‍ എന്നിവര്‍ക്ക് പ്രത്യക സെല്ലുകള്‍ സ്റ്റേഷന്റെ പ്രത്യേകതയാണെന്ന് ജില്ലാ പോലിസ് മേധാവി കെ. കാര്‍ത്തിക്ക് പറഞ്ഞു. 2 കോടി 95 ലക്ഷം രൂപയിലാണ് കെട്ടിടം ഒരുങ്ങുന്നത്.