ധീരജിന്റെ കൊലകാതകം; പ്രതികളെ ഇന്ന് കോടതിയില്‍ ഹാജരാക്കും; സംസ്‌കാരം വീടിനോട് ചേര്‍ന്നുള്ള പറമ്പില്‍

-

ഇടുക്കി>> എഞ്ചിനീയറിംഗ് കോളേജില്‍ എസ് എഫ് ഐ പ്രവര്‍ത്തകന്‍ ധീരജിനെ കുത്തിക്കൊലപ്പെടുത്തിയ കേസിലെ പ്രതികളെ ഇന്ന് കോടതിയില്‍ ഹാജരാക്കും. യൂത്ത് കോണ്‍ഗ്രസ് നേതാക്കളായ നിഖില്‍ പൈലി, ജെറിന്‍ ജോജോ എന്നിവരുടെ അറസ്റ്റാണ് രേഖപ്പെടുത്തിട്ടുള്ളത്. പ്രതികളെ ഇന്നലെ വൈകിട്ട് കട്ടപ്പന താലൂക്ക് ആശുപത്രിയില്‍ എത്തിച്ച് വൈദ്യപരിശോധന നടത്തിയിരുന്നു. ഇടുക്കി ജ്യുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയിലാണ് ഹാജരാക്കുക.

തെളിവെടുപ്പിനും കൂടുതല്‍ അന്വേഷണങ്ങള്‍ക്കുമായി ഇവരെ കസ്റ്റഡിയില്‍ വാങ്ങാനാണ് പോലീസിന്റെ തീരുമാനം. ഇതിനായി കസ്റ്റഡി അപേക്ഷയും പോലീസ് സമര്‍പ്പിക്കും. സംഭവത്തില്‍ ഇന്ന് കൂടുതല്‍ അറസ്റ്റ് ഉണ്ടാകാനും സാധ്യതയുണ്ട്. ഇപ്പോള്‍ അറസ്റ്റിലായവര്‍ കൂടാതെ പോലീസ് കസ്റ്റഡിയിലുള്ളത് രണ്ടുപേരാണ്. ഇവരെ വിശദമായി ചോദ്യം ചെയ്തുവരുന്നു. നിഖില്‍ പൈലിയും ജെറിന്‍ ജോജോയും കൂടാതെ കണ്ടാലറിയാവുന്ന നാലുപേരെ കൂടി എഫ് ഐ ആറില്‍ പ്രതി ചേര്‍ത്തിട്ടുണ്ട്

പുറത്ത് നിന്നുള്ളവരെ കാമ്പസില്‍ കയറ്റിയതാണ് തര്‍ക്കത്തിന് കാരണം. എസ്എഫ്‌ഐ ഇത് ചോദ്യം ചെയ്തു.കോളേജ് ന് പുറത്തേക്ക് ഇവരെ മാറ്റിയിട്ടും തര്‍ക്കം തുടര്‍ന്നു.ഇതാണ് കൊലപാതകത്തില്‍ കലാശിച്ചത്. ഇടുക്കി എഞ്ചിനീയറിംഗ് കോളജില്‍ തെരഞ്ഞെടുപ്പിനിടെ ഉണ്ടായ സംഘര്‍ഷത്തിലാണ് വിദ്യാര്‍ത്ഥി കൊല്ലപ്പെട്ടത്.

ധീരജിന്റെ മൃതദേഹം അര്‍ധ രത്രി പന്ത്രണ്ടരയോടെയാണ് ജന്മനാട്ടില്‍ എത്തിച്ചത്. തൃച്ചംബരം പാലക്കുളങ്ങരയിലെ വീടിനു സമീപത്തെ പറമ്പിലേക്ക് മൃതദേഹം എത്തിച്ചു .ഇവിടെ പൊതുദര്‍ശനം നടത്തി. മൃതദേഹം എത്തിയത് പ്രതീക്ഷിച്ചതിലും അഞ്ചര മണിക്കൂര്‍ വൈകി ആമെങ്കിലും നാട്ടുകാര്‍ നിരവധിപേര്‍ അന്തിമോപചാരം അര്‍പ്പിക്കാന്‍ കാത്തിരിന്നിരുന്നു. തളിപ്പറമ്പ ഏരിയ കമ്മറ്റി ഓഫീസിലും പൊതുദര്‍ശനം നടത്തി.

അതസമം പ്രദേശത്തു കര്‍ശന ജാഗ്രത തുടരുകയാണ്.പൊതു ദര്‍ശനത്തിനു ശേഷം മൃതദേഹം വീടിനു സമീപത്തെ പറമ്പില്‍ സംസ്‌കരിക്കും
ഇതിനായി 8 സെന്റ് ഭൂമി സിപിഎം വാങ്ങിയിരുന്നു

About ന്യൂസ് ഡെസ്ക്ക്

View all posts by ന്യൂസ് ഡെസ്ക്ക് →