LOADING

Type to search

പരാതി പിന്‍വലിക്കണം; മോന്‍സണ്‍ മാവുങ്കലിന് വേണ്ടി നടന്‍ ബാലയുടെ ഇടപെടല്‍, ഫോണ്‍ സംഭാഷണം പുറത്ത്

Latest News Local News News

കൊച്ചി>>> മോന്‍സണ്‍ മാവുങ്കലിനെതിരെയുള്ള പരാതി പിന്‍വലിക്കാന്‍ നടന്‍ ബാലയുടെ ഇടപെടല്‍.മോന്‍സണിന്റെ ഡ്രൈവറായിരുന്ന അജിത്തുമായുള്ള ബാലയുടെ ഫോണ്‍ സംഭാഷണം പുറത്തുവന്നു. അജിത്തും മോന്‍സണുമായുള്ള പ്രശ്നം പരിഹരിക്കാനാണ് ബാല ഇടപെട്ടത്.

മോന്‍സണെതിരെ അജിത്ത് പരാതി നല്‍കിയിരുന്നു. ഇത് പിന്‍വലിക്കണമെന്നായിരുന്നു ബാലയുടെ ആവശ്യം. മോന്‍സണ്‍ തന്നെ വല്ലാതെ ഉപദ്രവിച്ചിട്ടുണ്ടെന്ന് അജിത്ത് മറുപടി നല്‍കുന്നതും ഫോണ്‍ സംഭാഷണത്തില്‍ വ്യക്തമാണ്.

പത്ത് വര്‍ഷം പട്ടിയെപ്പോലെ പണിയെടുത്തതിനുള്ള പ്രതിഫലമായി തനിക്ക് നല്‍കിയ ബോണസ് കള്ളക്കേസുകളാണെന്ന് അജിത്ത് ബാലയോട് പറയുന്നു. ബാലയുടെ വിവാഹ ചടങ്ങിലും മോന്‍സണ്‍ പങ്കെടുത്തിരുന്നു.

ഫോണ്‍ സംഭാഷണം പുറത്തുവന്നതിന് പിന്നാലെ വിഷയത്തില്‍ ബാല പ്രതികരിച്ചു. അയല്‍ക്കാരന്‍ എന്ന നിലയിലുള്ള ബന്ധം മാത്രമേ തനിക്ക് മോന്‍സണുമായുള്ളൂവെന്ന് ബാല പറഞ്ഞു. സമാധാനമായി ജീവിക്കാന്‍ ഒരു സംഘം ആളുകള്‍ സമ്മതിക്കുന്നില്ലെന്നും, നിരന്തരമുള്ള ഫോണ്‍ കോളുകള്‍ കാരണം ഉറക്കം നഷ്ടമായെന്നും നടന്‍ ഒരു സ്വകാര്യ ചാനലിനോട് പറഞ്ഞു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മംഗളം ന്യൂസിൻ്റേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.