സര്‍ക്കാര്‍ സമ്മര്‍ദത്തിന്​ വഴങ്ങി ട്വിറ്റര്‍ നിയമിച്ച പരാതി പരിഹാര ഓഫീസര്‍ രാജിവെച്ചു

ന്യൂസ് ഡെസ്ക്ക് -

ന്യുഡല്‍ഹി>>> കേന്ദ്ര സര്‍ക്കാര്‍ പുതുതായി നടപ്പാക്കിയ ഐ.ടി നിയമത്തി​െന്‍റ ഭാഗമായി ട്വിറ്റര്‍ നിയമിച്ച പരാതി പരിഹാര ഓഫീസര്‍ ചുമതലയേറ്റ്​ ഒരു മാസത്തിനകം രാജിവെച്ചു. കേന്ദ്ര സര്‍ക്കാറുമായി കടുത്ത ഭിന്നത നിലനില്‍ക്കെയാണ്​ ട്വിറ്ററിലെ രാജി.

മേയ്​ 31ന്​​ ധര്‍മേന്ദ്ര ചതുറിനെ പരാതി പരിഹാര ഓഫീസറായി നിയമിക്കുകയാണെന്ന്​ ട്വിറ്റര്‍ ഡല്‍ഹി ഹൈക്കോടതിയില്‍ അറിയിച്ചിരുന്നു​. എന്നാല്‍, ചട്ടവിരുദ്ധമായതിനാല്‍ നേരത്തെ ശമ്ബളക്കാരനല്ലാത്ത ഒരാളുടെ നിയമനം​ അംഗീകരിക്കാനാവില്ലെന്നായിരുന്നു സര്‍ക്കാറി​െന്‍റ മറുപടി. ധര്‍മേന്ദ്ര ചതുര്‍ രാജിവെച്ചതോ​െട രാജ്യത്ത്​ ട്വിറ്ററിന്​ ആ പദവിയില്‍ വീണ്ടും ആളൊഴിഞ്ഞു. വിഷയത്തെ കുറിച്ച്‌​ ട്വിറ്റര്‍ പ്രതികരിച്ചിട്ടില്ല. എന്നാല്‍, ചതുറി​െന്‍റ പേര്​ ട്വിറ്റര്‍ വെബ്​സൈറ്റില്‍നിന്ന്​ നീക്കിയിട്ടുണ്ട്​. പരാതി പരിഹാര ഓഫീസറായി ചതുറിനെ വെച്ചതിനൊപ്പം താത്​കാലിക നോഡല്‍ ഒാഫീസറെയും ട്വിറ്റര്‍ നിയമിച്ചിരുന്നു.

കര്‍ഷക സമരത്തെ പിന്തുണക്കുന്ന ട്വീറ്റുകള്‍ പിന്‍വലിക്കാന്‍ നിര്‍ദേശിച്ചും ഗാസിയാബാദ്​ ആക്രമണ ട്വീറ്റുകളുടെ പേരില്‍ രാജ്യത്തെ മേധാവിക്കെതിരെ കേസ്​ എടുത്തും സര്‍ക്കാര്‍ ട്വിറ്ററിനെതിരെ നടപടി ശക്​തമാക്കു​ന്നതിനിടെ കേന്ദ്ര മന്ത്രി രവി ശങ്കര്‍ പ്രസാദി​െന്‍റ അക്കൗണ്ടിന്​ സമൂഹ മാധ്യമം താത്​കാലിക വിലക്കേര്‍പെടുത്തിയിരുന്നു.

അതിനു ശേഷം ​ഉത്തര്‍ പ്രദേശ്​ പൊലീസ്​ ട്വിറ്റര്‍ മേധാവി മനീഷ്​ മഹേശ്വരിയെ വിളിച്ചുവരുത്തി. ഗാസിയാബാദ്​ സംഭവവുമായി ബന്ധപ്പെട്ട വിഡിയോ പ്രചരിക്കുന്നത്​ തടയാന്‍ നടപടി സ്വീകരിച്ചില്ലെന്നായിരുന്നു വിമര്‍ശനം.

ഒരു ജനാധിപത്യ രാജ്യത്ത്​ ആദ്യമായി ഉപയോക്​താവ്​ നല്‍കിയ ഉള്ളടക്കത്തിന്​ സമൂഹ മാധ്യമം കേസില്‍ കുരുങ്ങുകയെന്ന പുതിയ നടപടിക്കും സംഭവം സാക്ഷിയായി.

കഴിഞ്ഞ ഫെബ്രുവരിയില്‍ സര്‍ക്കാര്‍ നടപ്പാക്കിയ നിയമപ്രകാരം സമൂഹ മാധ്യമ പോസ്​റ്റുകള്‍ക്ക്​ മാധ്യമങ്ങള്‍ കൂടുതല്‍ ഉത്തരവാദികളാകും. നീക്കാന്‍ ആവശ്യപ്പെട്ടയുടന്‍ ഒഴിവാക്കിയും ആദ്യമായി പോസ്​റ്റിട്ടയാളെ കുറിച്ച വിവരങ്ങള്‍ പങ്കുവെച്ചും സഹായിക്കുകയും വേണം. ഇതിനു പുറമെ​, പരാതി പരിഹാര ഉദ്യോഗസ്​ഥന്‍, നിയമം നടപ്പാക്കുന്നുവെന്ന്​ ഉറപ്പാക്കാന്‍ നോഡല്‍ ഓഫീസര്‍ എന്നിവരെയും വെക്കണം.

ന്യൂസ് ഡെസ്ക്ക്

About ന്യൂസ് ഡെസ്ക്ക്

View all posts by ന്യൂസ് ഡെസ്ക്ക് →