കേരള കോണ്‍ഗ്രസ് ജോസ് കെ. മാണി വിഭാഗം നേതാവ് ജോസഫ് എം. പുതുശേരി ജോസഫ് വിഭാഗത്തിലേക്ക്. പി.ജെ ജോസഫുമായി ചര്‍ച്ച നടത്തി . ഇടതു മുന്നണിയിലേക്ക് പോകാനില്ലെന്ന നിലപാടാണ് ഇദ്ദേഹത്തിനുള്ളത്. ജോസ് വിഭാഗം എല്‍.ഡി.എഫ് ലേക്ക് പോകുന്ന നീക്കത്തോട് പുതുശേരിക്ക് യോജിപ്പില്ല.പൊതുജീവിതത്തിലുടനീളം യു.ഡി.എഫ് നിലപാടിനൊപ്പം നിന്ന വ്യക്തിയാണ്. ഇനി തുടര്‍ന്നും അങ്ങനെത്തന്നെയായിരിക്കുമെന്നും ജോസഫ് എം പുതുശേരി പറഞ്ഞു. യു.ഡി.എഫ് ബന്ധം വിച്ഛേദിക്കപ്പെട്ട ശേഷം കേരള കോണ്‍ഗ്രസ്സില്‍ എമ്മില്‍ നിന്ന് പുറത്തുവരുന്ന ആദ്യ നേതാവാണ് പുതുശേരികല്ലൂപ്പാറ മുന്‍ എം.എല്‍.എയാണ് ജോസഫ് എം. പുതുശേരി. കഴിഞ്ഞ തവണ തിരുവല്ല സീറ്റില്‍ പരാജയപ്പെട്ട അദ്ദേഹം പത്തനംതിട്ട ജില്ലയില്‍ നിയമസഭ സീറ്റിന് ആഗ്രഹം പ്രകടിപ്പിച്ചുണ്ടെന്നാണ് അറിയുന്നത്.എന്നാൽ സീറ്റിനെക്കുറിച്ചു പി ജെ ജോസഫ് യാതൊരു ഉറപ്പും ആർക്കും കൊടുത്തിട്ടില്ലെന്നാണ് അറിവ്.ഇപ്പോൾ ജോസഫ് വിഭാഗത്തിലുള്ള വിക്റ്റർ ടി തോമസ് ആദ്യ പിളർപ്പ് കാലത്ത് തന്നെ പി ജെ ജോസേഫിനോടൊപ്പം ഉറച്ച നിലപാട് എടുത്തിട്ടുള്ള കേരളാ കോൺഗ്രസ് നേതാവാണ്.ഇന്നലെ തിരുവല്ല മുൻസിപ്പാലിറ്റിയിലെ ജോസ് ഗ്രൂപ്പുകാരായ 3 കൗൺസിലർമാർ പി ജെ ജോസഫിന് പിന്തുണ പ്രഖ്യാപിച്ചിട്ടുണ്ട്.
