തിരുവനന്തപുരം>>> കോവിഡ്​ ചികിത്സക്കുള്ള സ്വകാര്യ ആശുപത്രികളിലെ മുറി വാടക സര്‍ക്കാര്‍ നിശ്ചയിച്ചു. മൂന്ന്​ വിഭാഗമായി തിരിച്ചാണ്​ നിരക്ക്​ നിശ്ചയിച്ചത്​. മുറിവാടക ആശുപത്രികള്‍ക്ക്​ നിശ്ചയിക്കാമെന്ന മുന്‍ ഉത്തരവ്​ റദ്ദാക്കിയാണ്​ പുതിയ തീരുമാനം.

മുറിവാടക​ നിശ്ചയിക്കാന്‍ സ്വകാര്യ ആശുപത്രികള്‍ക്ക്​ അനുമതി നല്‍കിയ സര്‍ക്കാര്‍ ഉത്തരവിനെതിരെ നേരത്തേ ഹൈകോടതി റദ്ദാക്കിയിരുന്നു. സര്‍ക്കാര്‍ എല്ലാ കാര്യങ്ങളും സ്വകാര്യ ആശുപത്രികളുടെ ഇഷ്​ടത്തിന് വിട്ടുകൊടുത്തിരിക്കുകയാണെന്ന് വിമര്‍ശിച്ച കോടതി എല്ലാ ഭാരവും ഹൈക്കോടതിയുടെ ചുമലില്‍ വെക്കാനാണ് സര്‍ക്കാര്‍ ശ്രമിക്കുന്നതെന്നും കുറ്റപ്പെടുത്തിയിരുന്നു.

ആ​ശുപത്രി മാനേജ്​മെന്‍റുകളുടെ ആവശ്യം പരിഗണിച്ചാണ്​ ആരോഗ്യ വകുപ്പ്​ പ്രസ്​തുത തീരുമാനം കൈകൊണ്ടിരുന്നത്​. സ്വകാര്യ ആശുപത്രികളുടെ സമ്മര്‍ദ്ദത്തിന്​ വഴങ്ങിയാണ്​ സര്‍ക്കാര്‍ തീരുമാനമെന്ന്​ ആക്ഷേപമുണ്ടായിരുന്നു.