ന്യൂഡല്‍ഹി>>> രാജ്യത്തെ കുട്ടികള്‍ക്ക് സെപ്റ്റംബറോടെ കോവിഡ് വാക്‌സിനേഷന്‍ നടത്താമെന്ന് എയിംസ് മേധാവി ഡോ. രണ്‍ദീപ് ഗുലേറിയ. പ്രമുഖ ദേശീയ മാധ്യമത്തിന് നല്‍കിയ അഭിമുഖത്തിലാണ് എയിംസ് മേധാവിയുടെ പ്രതികരണം. കുട്ടികള്‍ക്കായുള്ള ഫൈസര്‍, കോവാക്സിന്‍, സൈഡസ് വാക്സിനുകള്‍ ഉടന്‍ ലഭ്യമാകുമെന്നും അദ്ദേഹം കൂട്ടിച്ചേര്‍ത്തു .
42 കോടി ഡോസുകള്‍ രാജ്യത്തോട്ടാകെ ഇതുവരെ വിതരണം ചെയ്തുവെന്നാണ് കേന്ദ്രo വെളിപ്പെടുത്തുന്നത് . എന്നാല്‍ ഈ വര്‍ഷം അവസാനത്തോടെ മുതിര്‍ന്നവര്‍ക്കെല്ലാം വാക്സിന്‍ നല്‍കാനാണ് ശ്രമം.
12 – 18 വരെ പ്രായമുള്ള കുട്ടികള്‍ക്ക് സൈഡസ് വാക്സിന്‍ നല്‍കി സെപ്റ്റംബറോടെ കുട്ടികള്‍ക്കുള്ള പ്രതിരോധ കുത്തിവയ്പ്പ് ആരംഭിക്കുമെന്ന് വാക്സിന്‍ അഡ്മിനിസ്ട്രേഷന്‍ സംബന്ധിച്ച ദേശീയ വിദഗ്ദ്ധ സംഘത്തിെന്‍റ തലവന്‍ ഡോ. എന്‍.കെ അറോറ നേരത്തെ അറിയിച്ചിരുന്നു .
Follow us on